Inspektorati Kombëtar i mbrojtjes së Territorit (IKMT) mëngjesin e 28 marsit nisi aksionin për prishjen e objekteve në vijën bregdetare të Radhimës.
Nga IKMT, u bë më dije se 10 objekte përfshiheshin në planin e prishjes.
Kjo pasi ato nuk janë legalizuar dhe janë përjashtuar nga procesi i legalizimit.
Aksioni që IKMT ndërmori në Radhimë, për prishjen e një hoteli agravoi në kërcënime dhe shantazhime serioze. Kjo pasi kryefamiljari që është edhe pronari i këtij biznesi u ngjit në tarracën e godinës bashkë me fëmijën duke kërcënuar se do të vetëflijohet nëse i shembin hotelin.
Ditën e sotme burime zyrtare bëjnë me dije se, Ikmt ka arritur marrëveshje me pronarin e hotelit për shëmbjen e tij. Familja Havaraj ka nisur zbrazjen e hotelit. Menjeherë kane mbërritur fadromat. Sipas IKMT-së hoteli nuk ishte i legalizuar.
