Prokurori i Përgjithshëm Olsian Çela ka marrë pjesë në Konferencën Evropiane të Prokurorëve, e cila po zhvillohet në Palermo të Italisë në datat 5 dhe 6 maj.
Takimi është organizuar në kuadrin e Presidencës italiane të Këshillit të Evropës dhe është fokusuar në çështje që lidhen me pavarësinë, autonominë dhe llogaridhënien e prokurorëve.
Në fokus të diskutimeve janë çështje të zhvillimit të standardeve dhe udhëzimeve lidhur me karrierën e prokurorëve dhe ushtrimin efektiv të profesionit të prokurorit.
Gjithashtu rritja e bashkëpunimit mes prokurorive të vendeve të ndryshme lidhur me promovimin e standardeve Evropiane të shtetit ligjor, është çështje për diskutim.
