“Unë jam Zoti! Droga, mbledhja e borxheve, egërsia, arsenali i luftës. Kështu bota e krimit shqiptar hëngri Romën”. Ky është titulli që hapet gazeta e njohur italiane “La Repubblica”. Artikulli i kushtohet tërësisht kriminalitetit shqiptar përtej Adriatikut.
Gazeta italiane shkruan se grupet shqiptare të trafikut të drogës po fitojnë terren falë aftësisë për të siguruar shpejt e me çmim të lirë drogat e forta.
“Kjo aftësi e ndërthurur me ndarjen e zonave të shpërndarjes përmes dhunës dhe lidhjet me individë të mafies i kanë fuqizuar grupet shqiptare që krijojnë lidhje me futbollistë, producentë apo edhe këngëtarë si Elsa Lila e arrestuar disa javë më parë pasi këshillonte një prej kapove të trafikut” thuhet më tej në shkrim.
Arben Zogu, Dorian Petoku dhe Elvis Demçe janë emrat që lakohen në shkrimin e mediat italiane.
“Në krye të grupit ishin Fabrizio Capogna dhe Petrit Bardhi. “Titi”, cilësohet në dokumentet e hetimit si “subjekti kryesor i botës së krimit shqiptar, i përkushtuar ndaj trafikut të drogës, i lidhur me Arben Zogun dhe Dorian Petokun” vijon më tej shkrimi.
