Deputetja e PD-së, Jorida Tabaku ka dhënë një deklaratë për mediat jashtë Kuvendit.
Ajo është shprehur se projektrezoluta e PS-së nuk është e qartë dhe nuk dënon në vetvete gjenocidin dhe masakrën por vetëm vrasjet.
“Në amendamente e paraqitura këtë të hënë në Konferencës e Kryetarëve kam kërkuar që të dënohet gjenocidi në Srebrenicë.
Mbas diskutimeve të shumta nuk arritëm një dakordsi që të miratonim të njëjtën rezolutë si ajo e Malit të Zi dhe e Kosovës. Unë gjykoj që rezoluta e sotme është e mangët dhe nuk e arrin qëllimin për të cilin është hartuar, por pavarësisht kësaj ne do ta votojmë atë,” u shpreh ajo.
Teksa gazetarët e pyetën nëse do të merrte pjesë në protestën e Berishës, Tabaku u shpreh se nuk do donte që ta hiqte vëmendjen nga çështja e ditës dhe u largua për në Kuvend.
