“Big Brother VIP Kosova” pritet të nisë në vjesht. Në mediat online, në baza ditore përfliten emra nga më të ndryshëm e krijohen plot hamendësime.
Në mesin e emrave të përfolur për të marrë pjesë në edicionin e parë të “Big Brother VIP Kosova” ishte emri i këngëtarit Yll Limani.
I ftuar në ‘Podcast Lifestyle’ me Gonxhen, ishte prezantuesi zyrtar i këtij edicioni Alaudin Hamiti, i cili na tregoi pak më shumë rreth mundësisë së pjesmarrjes të Yllit si konkurent i “Big Brother”.
“Yll Limani është një prej atyre që e adhuron këtë format. Sa herë kemi fol me Yllin ka thënë nëse skisha pas koncerte nvend që kisha ardhë, isha hi po sdia me lajnë shpija”, tha Hamiti.
Yll Limani është fëmija i dytë në familjen e tij. Dëshirën për të kënduar e ka trashëguar nga babai, Mufail Limani, i cili është pjesëtar i grupit rock “Minatori”.
Mirëpo talenti i lindur i Yllit për muzikë nuk shfaqet për herë të parë si 17 vjeqar kur mori pjesë në këtë talent show.
Intensivisht me muzikë filloi të merrej në klasën IX me postimin e cover-ave në YouTube, i inspiruar nga historitë e shumta të suksesit në botën virtuale.
Në The Voice u prezantua me këngën “A drop in the ocean” të Rone Pope. Performanca e dytë në Netet Live ishte me kengen e Michael Bubble “I just haven’t met you yet” dhe me një interpretim artisik së bashku me trupën e baletit.
