Revista amerikane “Mother Jones” një ditë pas konfirmimit nga zyrtari i qeverisë amerikane mbi financimet që mori PD nga Rusia ka bërë një artikull.
Revista i është rikthyer lajmit që bëri 4 vite më parë ku e denoncoi këtë rast. Tashmë, revista shkruan se dosja e Lulzim Bashës u mbyll me hije të forta dyshimi.
“Në vitin 2018, Mother Jones raportoi se pagesat e bëra nga një kompani guaskë ndaj një lobisti amerikan për një parti politike shqiptare mund të kishin origjinën në Rusi.
Në vitin 2017, Lulzim Basha, në atë kohë kreu i partisë opozitare të qendrës së djathtë të Shqipërisë, kandidonte për kryeministër.
Basha ishte një skeptik relativ, duke kritikuar masat kundër korrupsionit që vendi i goditur nga krimi do të duhej të merrte për t’u anëtarësuar në BE.
Ai ishte gjithashtu pro-Trump, duke bërë thirrje “Make Albania Great Again” dhe duke kërkuar akses në administratën e re të SHBA.
Partia e Bashës, Partia Demokratike e Shqipërisë, ose PDSH, punësoi një lobist.
Një ish-ndihmës i Ted Cruz të quajtur Nick Muzin – për ta ndihmuar atë të për t’u takuar me Trump dhe republikanët në Uashington.
Basha bëri një foto me Trumpin që ai e shpërndau shpejt në Shqipëri si dëshmi e aksesit të tij me presidentin amerikan.
Në të njëjtën kohë, Muzin mori një pagesë prej 500,000 dollarësh lidhur me lobimin e tij shqiptar. Origjina e atyre parave ishte e errët dhe e diskutueshme. Muzin dhe Basha dhanë shpjegime të ndryshme.
Por provat sugjeruan se paratë erdhën nëpërmjet Biniatta Trade LP, një kompani guackë e regjistruar në Skoci nga dy kompani të tjera guaskë, të cilat ishin me bazë në Belize.
Biniatta bëri pagesa në mbështetje të partisë së Bashës në të njëjtën kohë që pati një takim të diskutueshëm me ambasadorin e Rusisë në Shqipëri” shkruan revista.
