Kryeministri Edi Rama ka folur për herë të parë për raportin e qeverisë amerikane, që PD në kohën e Lulzim Bashës në 2017 mori 500 mijë dollarë financim nga Rusia.
“Kjo nuk është një temë e re, aspak e panjohur për ne. Kur ne e kemi ngritur, shumë prej jush, përfshirë edhe ata që sot hidhen përpjetë, mbase e konsiderojnë një tjetër gurë për luftën e tyre të brendshme na kanë përqeshur. Askush në një pjesë të madhe, veç PS-së nuk ka marrë përsipër të thellohet në këtë drejtim.
Ka qenë një përqeshje dhe skërrmitje e madhe. Një front i madh i bashkuar për ta mohuar me të qeshur. Këtë pyetje duhet t’ja drejtoni prokurorisë. Drejtësia nuk i dha kurrë asnjë përgjigje kësaj pyetje. Është për të ardhur keq që sot shoh shumë që janë të tronditur” tha ai.
