Nesër në mesditë do të marrë udhë procesi i primareve brenda PD-së. Sali Berisha do të mbledhë kryesinë për t’u dhënë dorën e fundit udhëzimeve mbi praktikën që do të ndiqet.
“Më 18 tetor, në orën 13 e 30, do të zhvillojmë mbledhjen e Kryesisë së PD, me këtë rend dite:
Miratimi i Udhëzimit ‘Mbi modalitetet e pjesëmarrjes së simpatizantëve në Primaret për zgjedhjet e pushtetit vendor 2023’
Hapja e garës së Primareve për pushtetin vendor, në të gjitha degët e PDSH”, thuhet në mesazhin që ka mbërritur në anëtarët e kryesisë.
Sot në mesditë Sali Berisha ka thirrur në takim drejtuesit politik sipas qarqeve. Kreu i Partisë Demokratike, Sali Berisha është shprehur më herët se opozita do t’i ketë gati shumë shpejt kandidatët, të cilët do të zgjidhen përmes procesit të primareve.
Sot Ilir Meta i kërkoi Sali Berishës që të vendosë sa më shpejt kandidatët për bashkitë.
“PD sa më shpejt të jetë e qartë, kur dalin kandidatët përballë Rilindjes.
Në zgjedhje nuk votohet as për zotin Berisha, as Metën, por për kandidatët. Do të do të votohet për emra konkretë dhe përfaqësues konkretë” tha ai.
