Një protestë për vdekjen e të riut, Lear Kurti në duart e policisë të mërkurën në mbrëmje, është mbajtur mbrëmjen e të premtes përballë ministrisë së Brendshme.
Qytetarë të shumtë kanë protestuar duke kërkuar drejtësi për 32-vjeçarin që ndërroi jetë në rrethana misterioze pas shoqërimit në Komisariat.
Revolta e qytetarëve zgjati 1 orë, por tensionet ishin të mëdha. Një aktiviste humbi ndjenjat gjatë fjalës së saj.
Pas më shumë se 45 minutash, qytetarët marshuan drejt Kryeministrisë. Ata mbajtën një minutë heshtje për vdekjen e të riut dhe kanë ndezur flakadanë të kuq, në simbol të gjakut të të riut që humbi jetë.
Ata paralajmëruar se do të ketë edhe një tjetër protestë dhe se ora dhe dita do të njoftohet në rrjete sociale.
