Rusia ka mohuar raportet se dy raketa ruse kanë shpërthyer në Poloninë anëtare të NATO-s, duke vrarë dy persona. Ajo pretendoi se raportet ishin thjesht “provokim i qëllimshëm për të përshkallëzuar situatën”.
Ministria ruse e Mbrojtjes reagoi ashpër kundër raportimeve këtë mbrëmje se dy raketa ruse ranë në qytetin lindor të Polonisë Przewodow dhe vranë dy persona.
Ministria tha: “Deklaratat e mediave dhe zyrtarëve polakë për rënien e supozuar të raketave “ruse” në zonën e vendbanimit Przewodow janë një provokim i qëllimshëm për të përshkallëzuar situatën.
“Asnjë goditje nuk u krye kundër objektivave pranë kufirit shtetëror ukrainas-polake nga mjetet ruse të shkatërrimit”.
Në të kaluarën Rusia ka folur në mënyrë agresive për rolin e Polonisë në marrjen e furnizimeve nga vendet e NATO-s në Ukrainë.
Disa ekspertë ushtarakë kanë paralajmëruar se sulmi mund të jetë një “provë” e perëndimit nga forcat ruse.
Pretendimet vijnë pasi një oficer i lartë i inteligjencës amerikane konfirmoi incidentin që ndodhi pasditen e sotme.
Raketat ranë në qytetin polak, në një kapanon gruri, duke marrë dy jetë. Nuk dihet ende nëse ishte një goditje e qëllimshme e një goditjeje aksidentale.
Incidenti mund të ketë pasoja masive për luftën në Ukrainë dhe në perëndim. Sepse Polonia është anëtare e NATO-s. Kjo do të thotë se mund të thirret në nenin 5. Ky i fundit thotë se një sulm ndaj një shteti anëtar trajtohet si një sulm ndaj të gjithëve.
Tashmë, një numër vendesh kanë dalë kundër Rusisë pas sulmit raketor që vrau dy persona.
Në Poloni, kryeministri i vendit Mateusz Morawiecki, mblodhi Komitetin e Këshillit të Ministrave për Çështjet e Sigurisë Kombëtare dhe Mbrojtjes “si një çështje urgjente”, konfirmoi zëdhënësi i qeverisë Piotr Müller.
Müller tha se takimi po mbahej për shkak të një ‘situate krize’ dhe filloi në orën 20:00 GMT këtë mbrëmje.
