Lojtari i kombëtares angleze, Raheem Sterling mungoi në ndeshjen e mbrëmshme dhe u largua nga Katari drejt Anglisë pasi persona të armatosur kanë grabitur shtëpinë e tij.
Federata Angleze lëshoi një deklaratë 90 minuta para fillimit të ndeshjes duke pretenduar se 27-vjeçari mund të humbasë pjesën e mbetur të turneut për shkak të incidentit të ndodhur.
Incidenti ndodhi të shtunën mbrëma dhe familja e Sterling, përfshirë edhe fëmijët e tij të vegjël ndodheshin në shtëpi.
Sipas raportimeve ai mësohet se është tronditur nga incidenti dhe mund të kthehet në Katar nëse rrethanat janë të përshtatshme për të.
Trajneri i Anglisë, Gareth Southgate u shpreh se akoma nuk dihet nëse ai do të rikthehet apo jo në pjesën e mbetur të turneut pasi ai është në një situatë në të cilët duhet të qëndrojë pranë familjes.
“Ndonjëherë futbolli nuk është gjëja më e rëndësishme, familja duhet të jetë e para,” shtoi Southgate.
Sterling ishte një nga yjet e Kampionatit Evropian të vitit të kaluar për Anglinë, duke shënuar tre gola rrugës për në finale.
Nëse ai nuk do të luajë më në pjesën e mbetur të turneut, kjo do të përbënte një goditje të madhe për Southgate.
