Spitali Universitar i Traumës ka reaguar pas lajmeve se deri të martën nuk do të ketë salla për operacion.
Spitali ka bërë me dije se janë vetëm disa salla operacioni ato që do të pastrohen dhe do të dezinfektohen. Aktualisht në sallat e operacionit janë duke u kryer ndërhyrjet e planifikuara të ditës së sotme.
“Sa I takon procesit të dezinfektimit informojmë se në ambientet e disa prej sallave kirurgjikale të spitalit do të kryhet në ditët e ardhshme proçesi i dezinfektimit rutinë, procedurë kjo në zbatim të standardeve të sigurisë, të higjienës dhe cilësisë së shërbimit.
Kjo është një procedurë periodike që kryhet për sallat operatore dhe që nuk cënon aspak shërbimin e urgjencës kirurgjikale, blloku operator i të cilës, është në gatishmëri e në funksion të plotë 24/7 për shërbimet ndaj pacientëve,” ka njoftuar spitali.
