Nj trup i pajetë është gjetur në afërsi të fshatit Fierzë në Pukë.
Sipas policisë, trupi i pajetë i përket 41-vjeçarit Vladimir Kola nga Fierza me banim në Durrës.
41-vjecar u gjet i pajetë në një pus uji. Vladimir Kola kishte shkëputur kontaktet me familjen prej 20 janarit pasi kishte shkuar në vendlindje dhe kishte vizituar disa prej familjarëve.
Kola njihej si përdorues i pijeve alkoolike dhe bëhet e ditur se ishte larguar dhe me parë nga banesa.
Trupi i pajetë i Kolës ka mbërritur në morgun e spitalit të Pukës ku po i nënshtrohet ekspertizës mjeko-ligjore.