Presidenti i Shqipërisë, Bajram Begaj ditën e sotme priti raporteren për Shqipërinë në Parlamentin Evropian, Isabel Santos.
Gjatë takimit ata biseduan mbi rrugën evropiane dhe sfidat reformuese e zhvilluese të vendit.
Presidenti vlerësoi punën dhe kontributin e eurodeputetes Santos dhe të kolegëve të saj në përgatitjen e raportit të vitit të shkuar për Shqipërinë.
Begaj gjithashtu vlerësoi frymën mbështetëse për çeljen e negociatave për Shqipërinë dhe mbajtjen e konferencës së parë ndërqeveritare BE-Shqipëri.
Presidenti diskutoi edhe në lidhje me agresionin ushtarak rus në Ukrainë dhe u shpreh se Shqipëria do të mbetet gjithmonë një partner i besueshëm në kuadër të politikës së jashtme dhe të sigurisë së Bashkimit Evropian dhe do t’i bashkohet gjithmonë vendimeve e qendrimeve të BE-së në këto drejtime.
Gjatë bisedtës ata u ndalën dhe në zhvillimet në rajonin e Ballkanit Perëndimor dhe sfidat specifike me të cilat po përballet ky rajon veçanërisht në kushtet e reja gjeopolitike.
