Një vit më parë në Belgjikë u ekzekutua Bledar Muça, i konsideruar si njeriu i besuar i Florenc Çapjas i shumëkërkuari për urdhërimin e vrasjes së Gentian e Nezir Beqirit, që është fshehur në Dubai.
Prokurorë dhe oficerë nga Belgjika kanë ardhur në Elbasan për të mbledhur prova të reja për vrasjen e 43-vjeçarit në Antverp që pistë kryesore ka larjen e hesapeve mes bandave.
Veç provave të reja që mund të përfitohen nga kontrollet, nuk përjashtohet mundësia që të merret në pyetje Shkëlzen Hasanpapa, i dënuar për tentativën e vrasjes me pagesë ndaj Florenc Çapjas dhe Bledar Muçës, ngjarje e ndodhur në qershor të vitit 2016.
Hasanpapa u arrestua në Holandë dhe ekstradua në Shqipëri, në 2017 dhe prej asaj kohë ndodhet në burg. Pak ditë më parë mediat britanike publikuan një artikull të gjatë rreth mafies në Belgjikë ku përmendën edhe vrasjen e shqiptarit që ende nuk është zbardhur.
Miku i Florenc Çapjes, si u vra Bledar Muça? Lëvizjet brenda “kryeqytetit të kokainës”
