Vijojnë tensionet në Vlorë pas humbjes së Flamurtarit 0-1 me Dinamon për javën e 20-të në Superligë. Tifozët vendas kanë rrethuar stadiumin “Flamurtari” dhe nuk largohen, megjithëse policia është prezente në zonë.
Ultrasit vlonjatë janë duke pritur daljen e arbitrit Kreshnik Cjapi. Duket se penalltia e dhënë nga Cjapi dhe kthimi në gol nga Denisson ka shkaktuar kaos në Vlorë, me tensionin që kapi tribunat dhe stafet respektive të dy skuadrave gjatë ndeshjes.
Forcat blu kanë marrë masa të shtuara për sigurinë e arbitrave dhe pritet që dalja e tyre nga Vlora të bëhet nën shoqërinë e policisë.
VIDEO/ Plas sherri në Vlorë, trajneri Troisi dhe drejtori Barushi zihen pas penalltisë për Dinamon
Flamurtari humbi 0-1 me Dinamon për javën e 20-të në Kategorinë e Parë. Ka qenë një 11 metërsh i akorduar nga kryesori Kreshnik Cjapi në të 82 minutë (kthyer në gol nga Dennison) që ka nxehur gjakrat në Vlorë.
Tre kartona të kuq, tension mes stafeve dhe sende të forta nga tifozët në drejtim të arbitrave, kjo ishte panorama e ndeshjes që zgjati më shumë se 104 minuta dhe u ndërpre gjatë në fundin e saj.
