Mbi 7 miliardë lekë tendera ka hedhur për prokurim Autoriteti Rrugor Shqiptar brenda 48 orëve. Evis Berberi është treguar i papërmbajtshëm duke firmosur shtatë procedura tenderash për rrugë, zgjerime dhe asfaltime apo supervizime.
Tre projektet kryesore janë zgjerimi i rrugës Elbasan – Qafë – Thanë që shkon 2.5 miliardë Lekë. Gjatësia totale e projektit është 50.12 km. Rruga nacionale ekzistuese Elbasan – Qafë Thanë është me gjerësi totale 9 – 9.5m. Tashmë pritet që të zgjerohet akoma më shumë.
Vepra e dytë është ndërtimi i rrugës Berat – Ballaban 2.2 miliardë lekë dhe asfaltimi i rrugës Ura e Cerenecit – Peshkopi 1.2 miliardë Lekë. 500 milionë lekë për plotësimin e punimeve të mbetura në aksin Porto Romano – Durrës.
Por leku i madh luhet edhe në Tiranë për rrugët lidhëse me autostradën Tiranë-Elbasan, gati 200 milionë lekë, apo mbushjet në aksin Milot-Morinë 182 milionë lekë. Oligarkët po fërkojnë duart, pritet kush do të bekohet fitues.
7 tenderat e ARRSH-së
Zgjerimi i rruges Elbasan – Qafe – Thane-2,499,999,918.36 Lekë
Ndërtim rruga Berat – Ballaban-2,252,349,749.61 Lekë
Sistemim asfaltim rruga Ura e Cerenecit – Peshkopi-1,249,458,590.51 Lekë
Plotësimi i punimeve të mbetura në aksin Porto Romano – Durrës-499,999,420.70 Lekë
Supervizion punimesh “Ndërtim rruga Berat – Ballaban-17,674,151.09 Lekë
Ndërtim i nyjës Bërzhitë dhe rrugët lidhëse Tiranë – Elbasan-197,254,215.96 Lekë
Mbrojtje lumore në aksin Milot-Morinë-182,622,447.93 Lekë
