Kandidati i Berishës dhe Metës për Elbasanin, Luçiano Boçi njoftoi sot se ka arritur një marrëveshje me disa faktorë opozitarë në Elbasan për të qenë bashkë në 14 Maj. Marrëveshjen me drejtuesit e partive opozitare në Elbasan, Boçi e cilësoi si një hap të rëndësishëm drejt fitores.
“Kjo marrëveshje është një moment solemn dhe frymëzues në garën time për Bashkinë e Elbasanit. Më vjen mirë që edhe njëherë Elbasani tregoi që është qytet i qyteteve, siç e quaj unë. Ne reflektojmë gjithnjë një harmoni njerëzore mes nesh dhe sot po tregojmë edhe një harmoni politike, e cila reflekton bashkimin e qytetarëve. Kjo nuk është një betejë për Luçiano Boçin por është një betejë për qytetarët”, deklaroi Luçiano Boçi.
Pjesë e marrëveshjes së nënshkruar sot forcat që mbështetën kandidaturën e tij janë: PARTIA E LIRISË PARTIA DEMOKRISTIANE
LËVIZJA PËR ZHVILLIM KOMBËTAR
LËVIZJA E LEGALITETIT
PARTIA REPUBLIKANE
PARTIA AGRARE AMBIENTALISTE
PARTIA PËR EUROPIANIZIM DHE INTEGRIM
ALEANCA LIBERALE E DJATHTË
BALLI KOMBËTAR