Një ngjarje e rëndë kriminale ka ndodhur sot në orët e para të mëngjesit në Shkozë të Tiranës.
Rreth orës 04:00 të mëngjesit, 43-vjeçari Roland Sinani ka qëlluar me pistoletë duke vrarë gruan e vëllait, Migena Sinani rreth 37 vjeçe që ishte në dhomë me fëmijën 2 vjeç dhe më pas ka vrarë edhe veten.
Familjarët, mes tyre tezja e 37-vjeçares Migena Sinani janë tronditur nga krimi i rëndë duke shpërthyer në lot, sikur duket nga fotoja.
Britma, plumba dhe vrasje në dhomën e gjumit! Tronditen fqinjët në Tiranë: Jemi shokuar
Burri i Migenës punon taksist dhe kur ka ndodhur ngjarja s’ka qenë në banesë.
Fqinjët e familjes Sinani shprehen se nuk kanë dëgjuar për konflikte të mëparshme mes viktimës dhe autorit, ndërsa ngjarja i ka lënë të shokuar të gjithë të afërmit e tyre.
