Në muajin mars, kryetarja e bashkisë së Durrësit, Emiriana Sako hapi një tender për të blerë dru zjarri edhe pse ishim në fund të dimrit.
Megjithatë ndoshta Sako po i tenderonte drutë që tani duke menduar për dimrin e ardhshëm për të shmangur ankesat që këtë vit kishte nga prindërit. Edhe pse ende nuk dihet nëse do të rizgjidhet në 14 Maj.
DOSJA-Kliko këtu për dokumentet e tenderit
“5Pyetjet.al” e ka ndjekur procedurën, dytë ditë më parë është shpallur fituesi i tenderit rreth 400 milionë Lekë (39.996.00) pa TVSH.
Faqja që monitoron prokurimet publike e ka kapur me flamur të kuq këtë procedurë për shkak të skualifikimit të të gjithë operatorëve konkurrues përveç fituesit duke ngritur hije të forta dyshime. Por përse janë eliminuar garuesit e tjerë?
Në dokumentin e njoftimit evidentohet fakti që fitues është shpallur kompania e Gjergj Bucit që ka dhënë një çmim, kokë më kokë me fondin limit. Tre të tjerat janë skualifikuar nga gara për arsye të ndryshme, mungesë eksperience apo dokumentacioni.
