Ndeshja e zhvilluar ditën e sotme mes Vllaznisë dhe Laçit përfundoi barazim 1-1 për javën e 35-të të Superligës.
Ndërkohë edhe kjo ndeshje nuk ka kaluar pa incidente pasi tifozët kanë sulmuar makinën e zyrtarit të FSHF-së, Alban Tafaj.
“Në momentin që përfundoi ndeshja, vështirë të nxirrnim arbitrat nga stadiumi. Bashkë me ata duke dalë nga stadiumi e gjej makinën time të dëmtuar nga xhamat.
Është një incident që e dëmton këtë qytet dhe futbollin e këtij qyteti. Më vjen keq që ndodhi, jo vetëm mua, por edhe në rast se do t’i ndodhte dikujt tjetër.
E vetmja gjë që më ka indinjuar më shumë është gjesti nga tifozët shkodranë. Më shumë e kam problemin me organizatorët e klubit që nuk i zgjidhnin dot këto probleme”, tha Alban Tafaj.
Ndërkohë ditën e sotme është regjistruar edhe një incident tjetër ku tifozët e Tiranës kanë sulmuar arbitrin Kridens Meta.
