Prej më shumë se gjashtë orësh vazhdon mbledhja e kryesisë së PD-së. Mbledhja nisi në orën 17:00 pasdite dhe po vazhdon përtej orës 23:30 të mbrëmjes.
Diskutimet po zhvillohet në lidhje me dy rrugë. Grupi i deputetëve kërkon që më parë të bëhen zgjedhjet në bazë pastaj të zgjidhet kryetari i partisë, ndërsa degët kërkojnë të kundërtën.
Nënkryetarja e PD, Jorida Tabaku ka refuzuar propozimin për të qenë ajo kryetarja e komanduar e PD. Deputeti Helidon Bushati propozon që të ketë një Kuvend pajtimi për bashkimin e demokratëve.
Bushati propozon që të bëhet hap pas dhe të gjithë të mbështesin të rinjtë që do marrin përsipër ringritjen e PD.
Anëtarja e Kryesisë së PD, Taulanda Jupi kërkon që të përgatitet struktura e partisë për zgjedhje të brendshme, për kryetar të PD dhe organet e tjera drejtuese.
