Pak raste, shumë tension, dy gola të shënuar dhe asnjë fitues. Është ky bilanci i derbit të Italisë, që zgjati deri në fundin e pjesës së parë, pasi i gjithë 45-minutëshi nuk prodhoi asnjë rast të vetëm dhe u karakterizua nga protestat e shumta ndaj vendimeve të arbitrit Guida, që thuajse e humbi kontrollin e sfidë.
Ndeshja u ndez nga një gol i Vlahovic, pas një kundërsulmi të shpejtë të Juventusit, teksa në të njëjtën mënyrë u kundërpërgjigjën edhe zikaltrit, këtë herë me kapitenin Lautaro Martinez, që shënoi golin e 13 sezonal.
Vërshëllima finale la në fuqi barazimin 1-1, që nuk ndryshon asgjë në renditje, me Interin që kryeson me 32 pikë, i ndjekur nga Juventusi me 30.
Në këtë përballje u aktivizua dhe Asllani, i cili zbriti në fushën e lojës në minutën e 83′.
