Ministri i Brendshëm Taulant Balla deklaroi se polumbarët e RENEA kanë kërkuar për gati 2 muaj në det për trupin e Ervis Martinajt, por nuk ka pasur rezultat duke shtuar se “ndoshta kërkimet vazhdojnë diku tjetër”.
“Kërkimet aty kanë vazhduar 2 muaj, jo 6 ditë, por ndoshta kërkimet vazhdojnë diku tjetër. Policia shtetit ka një pistë (për Ervis Martinaj). Ka disa deklarime të disa personave që kanë njohuri dhe informacion që duhet të ndërlidhen” tha Balla te TCH.
Ervis Martinaj u shpall i zhdukur nga familjarët në gusht të vitit 2022. Që nga ajo kohë ka pasur shumë variante për fatin e tij, që nga vrasja deri tek operacionet plastike që ai mund të ketë bërë.
