Kreu i Shoqatës së Avokatëve, Saimir Vishaj ka dënuar dhunën e ushtruar ndaj avokatit Sokol Mëngjesi. Sipas Vishës, ky akt është tentativë vrasjeje ndaj avokatit.
“Ajo që në na shqetëson sot është vënia dorë ndaj njerëzve të drejtësisë, sidomos avokatëve, pasi kemi në çdo javë një avokat të dhunuar.
Avokati ofron shërbim dhe nuk është kjo zgjidhje për të vrarë, Kjo nuk është rrahje e thjeshtë, por është një tentativë vrasjeje.
Ngjarja nuk ka motive politike, as majtas as djathtas, por ngjarja është për shkak të detyrës.
I lutemi Zotit të dalë nga koma. Autorët kanë dashur të vrasin një nga avokatët më të mirë që ka sistemi i drejtësisë”, tha ai.
