Ditën e djeshme Presidenti rus Vladimir Putin tha se Rusia mund të përdorë armët bërthamore nëse kërcënohet sovraniteti i saj.
Putin paralajmëroi se Rusia mund të sigurojë armë me rreze të gjatë veprimi për të tjerët për të goditur objektivat perëndimore nëse aleatët e NATO-s lejojnë Ukrainën të përdorë armët e tyre për të sulmuar territorin rus.
“Nëse veprimet e dikujt kërcënojnë sovranitetin dhe tërësinë tonë tokësore, ne e konsiderojmë të mundur përdorimin e të gjitha mjeteve që kemi në dispozicion”, tha presidenti Putin, duke cituar atë që ai tha se është politika e sigurisë së vendit të tij.
Putin foli për më shumë se tre orë me gazetarët e agjencive ndërkombëtare të lajmeve, përgjatë punimeve të Forumit Ekonomik Ndërkombëtar të Shën Petersburgut. (lexo KËTU postimin e plotë)
