Gjykata e Korçës ka caktuar masën e sigurisë ‘arrest me burg’ për Spartak Çelën, i cili u arrestua dy ditë më parë pas katër vitesh arrati.
Ai më 25 prill të këtij viti ka konfliktuar me 54-vjeçarin me iniciale V.I., dhe nën kërcënimin e një arme zjarri pistoletë, ka tentuar t’i marrë atij dy aparate celularë dhe një orë dore.
Ndërsa më 20 gusht të vitit 2020 për motive të dobëta ka qëlluar me armë zjarri personin me iniciale A.Sh.
Spartak Çela akuzohet për veprat penale “Vrasja me dashje e mbetur në tentativë,” “Vjedhje me armë,” “Prodhim, shitje dhe mbajtje pa leje e armëve, armëve shpërthyese dhe municioneve luftarake,” dhe “Kundërshtim i punonjësit të policisë”.
