Pas mbylljes së dritares së transferimeve, katër lojtarë të Kombëtares Shqiptare janë ende pa kontratë dhe mund të firmosin me çdo klub që i ofron një marrëveshje.
Etrit Berisha, portieri 34-vjeçar, ka mbetur pa kontratë pas largimit nga Empoli dhe ka spekulime për një rikthim te Kalmar në Suedi. Po ashtu, Kastriot Dermaku është në kërkim të ofertave të reja pas skadimit të kontratës me Leçen, ndërsa Frederik Veseli është pranë një marrëveshjeje me Dinamo Tiranën, por ende nuk ka firmosur.
Endri Çekiçi gjithashtu është në kërkim të një klubi të ri për të vazhduar karrierën e tij. Ndërkohë, disa lojtarë të tjerë të Kombëtares, si Thomas Strakosha, Armando Broja, Nedim Bajrami, Taulant Seferi, Marvin Çuni dhe Marash Kumbulla, kanë bërë ndryshime të rëndësishme në skuadra këtë verë, duke përfshirë prezantimin e Marash Kumbullës nga Espanyol.
