Një përplasje e ashpër ndodhi në Kuvend mes deputetit Agron Shehaj dhe ish-ministrit Taulant Balla, e cila u përqendrua në çështjen e mbetjeve të dyshuara të rrezikshme në Portin e Durrësit. Shehaj akuzoi Ballën dhe qeverinë se po përpiqen të pengojnë hetimet e Prokurorisë lidhur me këtë çështje, duke i kërkuar atij të lërë “broçkullat”.
Agron Shehaj: Jeni të gjithë të përfshirë në mbetjen në Portin e Durrësit! Ishe ministër në atë kohë. Doni të pengoni Prokurorinë! Lërini brroçkullat!
Taulant Balla: Erdhe si zbulim i Lulit këtu, mbërrite si një prej zbulimeve më të shkëlqyera të tij. Nuk po hyj në të tjera… The se prokuroria dyshon se janë mbetje toksike. Zotrote deklarove se janë mbetje toksike. Unë kam për detyrë si ministër i kësaj qeverie të besoj tek prokuroria dhe t’i shpreh mbështetjen dhe të mos ndikohej nga deklarata çapaçulash, kohë kjo që ka mbaruar. Çfarë dreqin ke që vjen këtu e flet kështu? Tu dhanë arsyet se përse nuk është zbatuar ende urdhri i prokurorisë. Të duket vetja si personazh TikToku se është një punë që e bën mirë. Akuzat i ngre Prokuroria jo ti.
