Deputetja e PD-së, Jorida Tabaku, takoi sot minatorët që protestojnë prej më shumë se 1500 ditësh përpara Parlamentit dhe Kryeministrisë, duke kërkuar njohjen e statusit të tyre të posaçëm. Takimi pason premtimin e Tabakut për të dorëzuar një propozim ligjor, tani të nënshkruar edhe nga dhjetë deputetë të tjerë të Partisë Demokratike.
Pas seancës parlamentare, Tabaku iu bashkua protestuesve dhe u prezantoi draftin e ligjit për statusin e minatorit.
“Tani është momenti të shtyjmë përpara me presion qeverinë dhe mazhorancën socialiste, që ua kanë premtuar dhe ende nuk ua kanë plotësuar, ” u shpreh ajo. Propozimi i PD-së synon t’u ofrojë minatorëve mbështetje dhe të drejtat e nevojshme për punën e tyre të rrezikshme.
