Pavarësia e Shqipërisë, që përkujtohet më 28 Nëntor, ka bërë bashkë pas më shumë se dhjetë vitesh tifozët e Shkëndijës dhe Shkupit. Tifo-grupet “Ballistët” dhe “Shvercerat”, që deri para pak kohësh kishin pasur konflikte të ashpra, do të jenë të pranishëm në stadiumin e Tetovës për ndeshjen mes dy skuadrave.
Të dy grupet janë ftuar të festojnë së bashku për Ditën e Pavarësisë, me mesazhin “Mirë se vini vëllezër nga Shkupi”.
Pas shumë vitesh ndarjeje, duket se 28 Nëntori, dita e Pavarësisë, ka arritur të bashkojë shqiptarët, duke shuar përplasjet dhe duke sjellë një atmosferë të qetë dhe festive në stadiumin e Tetovës.
