Ministri për Evropën dhe Punët e Jashtme, Igli Hasani në edicionin e 10-të të Konferencës Ndërkombëtare “Dialogu i Mesdheut 2024” që u mbajt në Romë, theksoi nevojën për bashkëpunimin ekonomik dhe energjetik mes vendeve të rajonit dhe Bashkimit Evropian.
Hasani u shpreh se nëpërmjet bashkëpunimit mund të ndihmojnë në stabilizimin e rajonit.
“Gjatë dekadës së fundit, Ballkani Perëndimor ka luajtur një rol të rëndësishëm në forcimin e lidhjeve midis Evropës dhe rajonit të Mesdheut. Përmes bashkëpunimit të ngushtë dhe angazhimit të përbashkët në nismat e sigurisë, mund të ndihmojmë në stabilizimin e rajonit dhe në mbështetje të qëndrueshmërisë afatgjatë të Mesdheut,” tha Hasani.
Ai theksoi gjithashtu se procesi i integrimit të Ballkanit perëndimor në strukturat evropiane është një hap thelbësor në ruajtjen e paqes dhe stabilitetit në rajon.
