Kryeministri Edi Rama ka mbërritur në Bruksel për të marrë pjesë në Samitin BE-Ballkani Perëndimor, që po mbahet sot.
Ai ka postuar në Facebook një video nga momenti i mbërritjes, ku shihet duke u pritur nga Presidentja e Komisionit Europian, Ursula von der Leyen, dhe Presidenti i Këshillit Europian, António Costa.
Liderët e BE-së dhe të Ballkanit Perëndimor mblidhen sot në Bruksel për të forcuar partneritetin dhe për të përshpejtuar procesin e zgjerimit. Samiti ka për qëllim integrimin gradual të vendeve të Ballkanit Perëndimor në politikat e BE-së dhe përshpejtimin e procesit të zgjerimit, duke theksuar rëndësinë e stabilitetit dhe prosperitetit.
Vendet e rajonit do të inkurajohen të zgjidhin mospajtimet ndërmjet tyre për të avancuar më tej në këtë proces.