EUROPOL në bashkëpunim me policinë maqedonase gjatë një operacioni kanë zbuluar dhe konfiksuar gjysëm milioni euro, përfshirë pajisje, armë, kartëmonedha.
Gjatë një komunikate për mediat, Prokuroria për Ndjekjen e Krimit të Organizuar dhe Korrupsionit në Maqedoninë e Veriut ka thënë se janë arrestuar dhjetë persona. Ndërsa gjatë kontrolleve kanë sekuestruar rreth 500 000 euro, 25 000 dollarë amerikanë, 00 franga zvicerane, 1800 shekela izraelite, 500 kuna kroate, 10.000 lekë, 1.000 krona suedeze dhe 25.000 rubla ruse.
“Janë ekzekutuar 23 urdhra për kontroll në persona dhe banesa dhe janë siguruar prova material”, tha Prokuroria.
Sipas prokurorisë ky aksion ishte vazhdimi i operacionit të zhvilluar në gusht të 2024, ku u sekuestruan pajisje për falsifikim të monedhave euro, të gatshme dhe gjysmë të gatshme, kallëpe dhe materiale të tjera për prodhim.
