Presidenti Bajram Begaj ka reaguar pas mbylljes së votimeve për zgjedhjet parlamentare në Kosovë. Në një postim në rrjete sociale, presidenti shkruan se qytetarët e Kosovës shprehën vullnetin e tyre të lirë ndërsa shtoi se uron që qeveria e dalë nga këto zgjedhje të vijojë punën për të mirën e vendit.
“Përgëzime qytetarëve të Kosovës që shprehën vullnetin e lirë me votën e së dielës! Qeveria e re e dalë nga zgjedhjet urojmë të vazhdojë punën për të mirën e vendit me zhvillimin e reformave dhe përparimin e progresit ekonomik dhe në bashkëpunim me partnerët ndërkombëtarë për një Kosovë të qëndrueshme dhe të aftë për të avancuar në proceset euroatlantike.”, shkruan Begaj.
