Drejtuesi politik i Partisë Demokratike për Tiranën Belind Këlliçi deklaroi se është Edi Rama ai që ka dhënë dritën jeshile për arrestimin e Erion Veliajt. Sipas Këlliçit, kryeministri Edi Rama prej muajsh po e godiste atë dhe po i hiqte përgjegjësit.
Gjithashtu ai u shpreh se kryeministri ka humbur kontrolli që ditën kur ish-drejtuesi i fushatës së Trump i tha se është një kukull e Sorosit.
“Zullumi është trashur sa nuk mban më. Miliona euro të hedhura për të manipuluar opinionin, për të blerë ndjekës nga Bangladeshi në rrjetet sociale. Ditën që tha është kukulla e Sorosit, Rama ka luajtur mendsh. Ky është fillimi. Ai ka dhënë vetë dritë jeshile për arrestimin e Veliaj. Kam thënë që po e godet Veliajn, po e zvogëlon”, u shpreh Këlliçi në A2 CNN.
