Rëndohet bilanci i aksidentit tragjik në Shkodër. I mituri që mbeti i plagosur nga aksidenti i ndodhur një ditë më parë ka humbur jetën këtë të martë.
Aksidenti ndodhi të hënën rreth orës 18:00 në vendin e quajtur “Stom Golem”. Të miturit ishin duke lëvizur me një motor që drejtohej nga një 16-vjeçar, i cili fatkeqësisht humbi jetën në vendin e ngjarjes.
14-vjeçari i plagosur u transportua në spital në gjendje të rëndë, por nuk arriti t’u mbijetojë plagëve të marra dhe ka humbur jetën.
