Presidenti rus Vladimir Putin ka bërë një propozim për ndalimin e luftës në Ukrainë përgjatë vijës aktuale të frontit, si pjesë e përpjekjeve për të arritur një marrëveshje paqeje me presidentin amerikan Donald Trump.
Gazeta “Financial Times” raporton se Putin i ka thënë Steve Witkoff, të dërguarit special të Trump, në takimin e tyre në fillim të këtij muaji në Shën Petersburg se Rusia mund të heqë dorë nga pretendimet e saj ndaj zonave në 4 provincat që pjesërisht mbeten nën kontrollin e Kievit. Putin ka propozuar që pjesa e pushtuar ti mbeten Moskës.
Ndërsa sot zëdhënësja e Shtëpisë së Bardhë, Caroline Levitt tha se Witkoff do të udhëtojë në Rusi për bisedime me Putinin këtë javë.
“Shpresojmë se po ecim në drejtimin e duhur” tha zëdhënësja.
