Kryeministri Edi Rama u shpreh se opozita, që drejtohet nga Sali Berisha ka përfunduar me lider të vërtetë Ilir Vrenozin.
“Si është e mundur që nuk ka asnjë reflektim serioz për momentin historik të Shqipërisë, si ka funksionuar Evropa. Si ka mundësi që ngrihet një akuzë që i kam thërritur fëmijëve më shihni mua lakuriq, ka turp më të madh. Unë I takoj për herë të parë dhe u flas për një histori të trishtueshme.
Nuk pyetën këta për fëmijët kur më nxorën mua lakuriq. Për të treguar që këta janë shumë të revoltuar, shkojnë në Korçën e kulturës dhe aty e merr fjalën lideri i vërtetë Ilir Vrenozi, lideri i tyre i vërtetë. Shfrenojnë gjuhën në një farë feje, si mundët që mblidhet një parti politike dhe ekzaltohet me fjalët më të ulëta të shqipes.
Këto janë historitë banale të këtyre ditëve. Nuk është aspak e vërtetë që kjo na qenka një fushatë pa tema dhe çështje, kjo ka një temë shumë të madhe që është takimi me historinë dhe mundësia historike që ne kemi. Asnjë fjalim I imi nuk do të ishte i papranueshëm në arkivin e parlamentit britanik, francez” tha ai.
