Partizani ka arritur një fitore të rëndësishme 2-1 ndaj Dinamos në përballjen vendimtare për vendin e tretë në Kategorinë Superiore, sezonin 2024/25. Takimi u zhvillua në Elbasan dhe nisi me avantazhin e Dinamos falë golit të Bregut në minutën e 16-të.
Partizani reagoi shpejt, barazoi me Malajn në minutën e 37-të dhe përmbysi rezultatin që në fillimin e pjesës së dytë me golin e Gudjufit. Me këtë fitore, Partizani siguron pozicionin e tretë në kampionat.
Finalja e madhe e Superiores do të luhet më 12 maj në “Arenën Kombëtare”, mes Egnatias dhe Vllaznisë.
