Kryeministri Edi Rama në fjaën e tij në sheshin Skënderbej u shpreh se Europa do të vijë aty. Rama u shpreh se Shqipëria e tre ditëve do të jetë qendra e Europës. Ai nënvizoi edhe Shqipëria do të bëhet imazhi më i mirë në Europë.
“Europa do të vijë në shesh. Presidenti i Francës largohet i fundit pasi do të qëndroj pas samitit. Shqipëria e tre ditëve që vijnë do të jetë qendra e Europës. Më pas do të nis javën e re me një imazh më të mirë, më krenar si Europa e Ballkanit që do të jetë lajtmotivi, inspirimi dhe burimi i energjive dhe forca e këmbënguljes sonë për katër vite të tjera.
Kini besim te Shqipëria sepse Shqipëria ka besim te ne. Besojeni më shumë se asnjëherë që më e mira është e gjitha përpara, por jo aq përpara sa ne mos ta arrijmë. Po është aq përpara sa ne ta arrijmë. Asnjë vat nga kjo energji nuk do e lëmë pa e shkrirë për t’jua kthyer pas atyre dhe Shqipërisë.”, tha Rama.
