Situata e trafikut është shumë e rënduar në qarkun e Elbasanit, me bllokim të pothuajse të gjithë akseve rrugore, duke sjellë vështirësi të mëdha në qarkullimin e automjeteve.
Segmenti më problematik është aksi Rrogozhinë–Peqin–Elbasan–Tuneli i Krrabës–Tiranë, ku fluksi i jashtëzakonshëm i automjeteve ka shkaktuar radhë kilometrike dhe vonesa të zgjatura.
Shkaku kryesor është kthimi i pushuesve ditorë nga bregdeti i Adriatikut, së bashku me fluksin e automjeteve që kanë ardhur nga Korça.
Autoritetet janë në terren për menaxhimin e situatës, por trafiku mbetet i ngarkuar. Udhëtarët këshillohen të shmangin udhëtimin në orët kulmore ose të zgjedhin rrugë alternative.
