Presidenti turk, Recep Tayyip Erdogan, ka akuzuar qeverinë e Izraelit të Benjamin Netanyahut si “pengesën më të madhe” për arritjen e paqes në Lindjen e Mesme. Ai e cilësoi Izraelin përgjegjës për sabotimin e përpjekjeve për negociata bërthamore mes SHBA-së dhe Iranit, duke theksuar mungesën e vullnetit për një zgjidhje diplomatike.
Erdogan bëri thirrje që vendet e tjera të mos bien pre e “retorikës helmuese” izraelite dhe të punojnë drejt një zgjidhjeje paqësore të konfliktit.
Ndërkohë, ndërkombëtarët kërkojnë rikthimin e Iranit në bisedime, por zyrtarët iranianë mbeten skeptikë, duke thënë se paqja është e pamundur për shkak të vazhdimit të sulmeve izraelite.
