Komandanti i ushtrisë ukrainase, Oleksandr Syrskyi, paralajmëroi të shtunën për një mundësi të një ofensivë të re nga forcat ruse në rajonin e Kharkivit, në verilindje të Ukrainës, ku prej fillimit të luftës në vitin 2022 janë zhvilluar luftime të ashpra.
Gjatë kësaj vere, trupat ruse po avancojnë ngadalë në disa segmente të frontit, duke kryer sulme të përsëritura dhe duke shfrytëzuar epërsinë numerike dhe teknologjike. Forcat ruse kanë shfaqur gjithashtu prezencë në rajonin verior të Sumy.
Syrskyi tha se ka punuar dy ditë pranë njësive në Kharkiv për të vlerësuar situatën dhe për të përgatitur forcat ukrainase për t’i bërë ballë përparimit rus. “Rusët po përpiqen të avancojnë me numra, por ne duhet të jemi të gatshëm me taktika dhe teknologji për t’i ndaluar,” theksoi ai.
