Ivan Rakitic me anë të një video në rrjete sociale ka njoftuar tërheqjen nga futbolli i luajtur, në moshën 37-vjeçari. Mesfushori kroat ka vendosur të varë këpucët në gozhdë. Rakitic luajti 106 ndeshje me Kroacinë, ku kulmin e arriti në vitin 2018 me finalen e Botërorit.
Rakitic e nisi karrierën te Basel në Zvicër në vitin 2005. Në vitin 2011 ai u transferua në La Liga te Sevilla, me të cilët fitoi Europa League-n në vitin 2014. Pak muaj pas këtij suksesi, Rakitic kaloi te Barcelona, me emra si Messi, Suarez e Neymar.
Në vitin 2020 mesfushori u rikthye te Sevilla, duke fituar një tjetër Europa League në vitin 2023, para se të kalonte tek Al Shabab në Arabinë Saudite dhe më pas te Hajduk Split një vit më parë.
