Maqedonia e Veriut gjatë tre ditëve të fundit është përballur me zjarre të mëdha. Ditën e sotme në Maqedoninë e Veriut janë regjistruar 25 vatra në zona të ndryshme të vendit, ku 21 janë ende aktive dhe 4 nën kontroll.
Një burrë humbi jetën teksa po shuante zjarrin që po kërcënonte shtëpinë e tij në zonën e Kriva Palankës.
Në ndihmë për shuarjen e zjarrit ka dërguar edhe Greqia në dispozicion dy avionë zjarrfikës Canadair, si dhe dy njësi këmbësorie. Ndërsa vetë Maqedonia e Veriut ka dy avionë zjarrfikës të tipit Air Tractors, ku njëri është jashtë shërbimit.
