Banorët e fshatit Kurdari kanë protestuar sot para Bashkisë së Klosit kundër ndërtimit të një hidrocentrali në zonën e tyre.
Ata e konsiderojnë ndërtimin një kërcënim serioz për jetesën e komunitetit, duke theksuar se HEC-i do të dëmtojë përfundimisht furnizimin me ujë të fshatit dhe do të ndikojë drejtpërdrejt në ekonominë e tyre bujqësore.
Banorët kërkuan ndërhyrje urgjente nga Bashkia e Klosit për të pezulluar projektin. Ata kërkojnë një zgjidhje të menjëhershme dhe mbrojtjen e të drejtave të tyre.
Kompania që po ndërton hidrocentralin ka deklaruar se disponon të gjithë dokumentacionin e nevojshëm dhe lejen për ndërtim që prej vitit 2019.
