Juristi Rezart Kthupi i ftuar në emisionin “5 Pyetjet nga Babaramo” në Report TV, komentoi se perceptimet e qytetarëve shpesh ndryshojnë nga ato të politikanëve, dhe kjo mund të çojë në veprime të rrezikshme. Sipas tij, mungesa e kontrollit dhe reputacionit publik lejon që individët të ndihen të lirë të përdorin dhunën.
“Qytetarët mendojnë ndryshe nga ajo që u duket normale për politikanët. Ata ecin me bindjet dhe fjalët e politikaneve, por për fat të keq kjo i çon në situata të rrezikshme marrin armët dhe shkojnë t’i përdorin ato. Qytetari nuk ka forum publik për të shprehur pakënaqësinë e tij, sepse ecën me gjyqtarë të korruptuar, mjekësi të korruptuar, dhe institucione që nuk funksionojnë si duhet. Prandaj, dhuna bëhet zëri i vetëm që i mbetet. Autori ka vepruar me ndërgjegje, pasi nuk ka reputacion si Edi Rama që t’i kontrollohet me deklarata publike apo në media. Prandaj, ai ndjen se mund të veprojë lirshëm.”
