Drejtori i Agjencisë Shtetërore të Kadastrës në Sarandë, Ilir Çibuku, është shkarkuar pas vetëm pesë muajsh në detyrë.
Vendimi, i firmosur nga Drejtoresha e Përgjithshme e ASHK-së, Lorena Goxhobelli, u mor me motivacionin e “performancës së dobët në ofrimin e shërbimeve dhe trajtimin e aplikimeve të qytetarëve”.
Sipas burimeve pranë institucionit, shkarkimi erdhi pas një procesi vlerësimi të brendshëm, që nxori në pah vonesa dhe numër të lartë ankesash në zyrën e Sarandës.
Deri në emërimin e drejtorit të ri, drejtimi i ASHK Sarandë do të bëhet përkohësisht nga një punonjës i brendshëm i institucionit.
