Një trup i pajetë është gjetur mesditën e sotme pranë trasesë së hekurudhës që lidh qytetin e Peqinit me Elbasanin.
Trupin e ka zbuluar një kalimtar, i cili ka njoftuar menjëherë policinë lokale.
Në vendin e ngjarjes kanë mbërritur forcat e policisë, shërbimi zjarrfikës dhe autoambulanca, të cilat kanë rrethuar zonën dhe po kryejnë veprimet hetimore për identifikimin e viktimës.
Burime nga policia bëjnë me dije se hetimet janë në fazën fillestare, ende nuk dihen shkaqet e vdekjes.
